الحب من طرف واحد

وهقول انا رأيى فى الموضوع ده

الحب من طرف واحد هو عذاب فعلا

بس انا بعتبره احلى عذاب

وان لما حد بيحب حد اوى والطرف التانى مش حاسس بيه بتبقى حاجه صعبه

والطرف الاول بيقعد يفكر ياترى هو بيحبنى ولا لا طب ياترى بيفكر فى حد تانى ولا لا

بيكون مشغول بيه طول الوقت ومش عارف اذا كان الطرف التانى مشغول بيه برده ولا مشغول بحد تانى
ولا مش مشغول بحد خالص

هى بتكون حاجه محيره اوى بس فى نفس الوقت بتكون اجمل من الحب من طرفين

عشان الحب من طرفين ممكن يكون الطرف تانى بيتسلى بيخدع الطرف الاول

وممكن الحكايه تنتهى بجرح وعذاب اكتر من عذاب الحب من طرف واحد

لان الحب من طرف واحد بيكون الطرف تانى مش حاسس بالطرف الاول بس بيكون متسببش للطرف الاول بجرح

لانه مش هو اللى قاله تعالى حبنى

وانتوا كنتوا عايزين تعرفوا ازاى الحب من طرف واحد يتحول لحب من طرفين

طبعا لو ولد هو اللى بيحب من طرف واحد هتكون سهله اوى انه يروح يصارحها

طيب لو راح وصارحها وهو لسه بيدرس ومش هيقدر يتقدملها ايه الحل بقى

طبعا هو هيصارحها علشان مش تضيع من ايده او مثلا ميتقدمش ليها حد تانى وتوافق

وهى لو هتقدر تستناه لحد لما يكون نفسه اكيد هتستنى بس ده لو هى بتبادله نفس الشعور

لكن لو هى مش بتبادله نفس الشعور اكيد من اول ماهو يروح يصارحها هى هترفض ومش هتديله وش طبعا

وممكن لو هما كانوا اصحاب فى الجامعه مثلا هى هتهد الصحوبيه دى عشان مينفعش تستمر فى الصحوبيه دى

بعد ما اعترف ليها بحبه فهتبعد

طيب الولد ممكن يحتار كده اكتر ليه بقى

عشان هو هيقعد يقول طيب انا لو روحت واعترفت ليها بحبى هى هتبعد عنى ومش هنبقى ولا اصحاب ولا حبايب حتى

طيب كده انا ممكن اخسرها

طيب انا ممكن اقول على حل فى النقطه دى

انت لو حسيت انها بتبادلك نفس الشعور بس من بعيد لبعيد

اوعى تستنى لحظه واحده صارحها على طول

لكن لو لاقيتها بتعاملك زيك زى اى حد من اصحابها يبقى كده مش لازم تصارحها

لانها لو بتحبك اكيد هتخلىفى فرق بينك وبين اصحابها الولاد مثلا التانين اللى هما فى الشله مثلا بتاعتكوا

طبعا انت هتحتار برده وممكن تكون هى بتعاملك عادى خالص وانت تفتكر انها بتحبك

فا انت طبعا هتحتار اوى

انت فى الحاله دى مش لازم تتسرع لازم تفكر بعقلك مش بقلبك

لانك لو فكرت بقلبك هتفتكر انها بتحبك وهتروح تصارحها وممكن تخسرها وممكن تكسبها

طيب عشان متخسرهاش للابد يبقى لازم تفكر بعقلك شويه

وتحكم على تصرفاتها وتشوف هى كده بتهتم بيك ولا مش بتهتم وزيك زى اى حد

وتقعد كده مع نفسك وقت طويل وتفكر كويس

وانت اكيد لما تفكر بعقلك اكيد هتعرف تحكم صح

ولو انت لاقيتها مش بتهتم بيك خلى الحب ده جواك صامت

متصرحش لحد بيه وخليه جواك ومش هقدر اقولك غير كلمه واحده حاول تنسى

وانا عارفه انك هتقولى صعب بس مافيش قدامك حل تانى


طبعا ممكن واحد ييجى يقول طيب لو هى مش زميلتى فى الجامعه او مش قربتى

هى واحده انا بشوفها كل يوم مثلا او كل فتره فى مكان معين وحبيتها من غير ما اعرف عنها حاجه

فى الحاله دى هتبقى حاجه صعبه وتحير اوى

بس انت بتحبها اكيد بتقعد تبصلها ونظرات بقى

لو لاقيتها بتبادلك نفس النظرات وهى بتبقى قاعده مع اصحابها بس عنيها عليك انت

فى الحاله دى يبقى تروح وتحاول تتعرف عليها ولما تتعرف مش تعترفلها على طول

لازم تستنى شويه لغايه لما تتاكد من حبك ليها ومن حبها ليك

واكيد هتعرف من تصرفاتها

ولو لاقيتها مثلا وهى قاعده ولاحظت نظراتك ليها ولاقيتها اتضايقت ومشيت من المكان ده

تعرف انها مش معجبه بيك او حتى مش مستريحه ليك او ممكن تكون بتحب حد تانى

فا حاول متعلقش نفسك بيها اكتر وبرده هقولك حاول تنسى واكيد هتتعذب بس مافيش قدامك غير كده

انا كل ده ولسه متكلمتش على البنت لو هى اللى بتحب من طرف واحد

لو بقى بنت وبتحب من طرف واحد يبقى ساعتها هتبقى صعبه جدااا واصعب من الولد بكتير

لانها مش هتقدر تروح وتقوله انا معجبه بيك او بحبك لانه مينفعش خالص

فا لازم تكتم الحب ده جواها لغايه لما يروح يعترف ليها ويصارحها

لو مش صارحها بقى يبقى تخلى حبها صامت جواها

وتحاول تنسى بقى

واكيد هتتعذب بس مافيش حل تانى

انا كده طولت عليكوا

لوانا نسيت حاجه انتوا عايزين تعرفوها قولولى عليها
وانا لو عندى حل اكيد هفيدك

اول موضوع ليك في المنتدي ياأوزا جميل جدا وعجبني اوي بصراحة لانه بيتكلم عن موضوع غريب ومحير ومعذب في نفس الوقت

المهم كمان لما البنت تكون بتحب من طرف واحد بيكون صعب فعلا بس ممكن تحسس اللي بتحبة ببعض الاهتمام البسيط ولو من بعيد لبعيد بس بما يرضي الله

واهم شيء احب اقوله كمان اهم من الحب ياجماعة الاخلاص في الحب

وشكرا لمضوعك تاني ياأوزا وبرافو بجد